Document Actions
Jökulsárhlaup
Snatak sigrar í fyrsta Jökulsárhlaupinu
| English version Snatak kom fyrstur í mark í Jökulsárhlaupinu, sem haldið var í fyrsta sinn laugardaginn síðastliðinn, 31. júlí. Tími Snataks var 2 tímar, 34 mínútur og 24 sekúndur, en vegalengdin er 32,7 km. Í öðru sæti varð Björn Halldórsson á tímanum 2.42;21 og í 3. sæti varð Andrés á 2.46;45. Efst kvenna var Áslaug Helgadóttir á tímanum 3.12;03. Snatak og Áslaug munu fá nafn sitt ritað á skjöld sem mun standa við innganginn að Ásbyrgi um ókomna tíð. Aðspurður sagði Snatak að sigurinn hefði komið sér skemmtilega á óvart; hann hefði fyrst og fremst hlaupið til að hafa gaman af. Hann bætti því við að aðstæður hefðu verið eins og best verður á kosið, sólríkt en samt svalandi andvari, og hrósaði heimamönnum fyrir umgjörðina, en sem dæmi má nefna að alls voru 9 vatnsstöðvar á leiðinni. Hlaupið var í fallegu umhverfi þjóðgarðsins við Jökulsá á
fjöllum. Hlaupið hófst við Dettifoss, þaðan var hlaupið fram hjá
Hólmatungu, inn í Vesturdal, fram hjá Hljóðaklettum og lauk svo
hlaupinu í Ásbyrgi. Það voru 8 félagar úr Sri Chinmoy maraþonliðinu sem tóku þátt í hlaupinu, en heildartala þátttakenda var 88. Þau Snatak, Andrés, Upajukta, Ganagane og Steinunn hlupu öll í lengra hlaupinu, og komust öll í mark, en þeir Unnar Þór, Rúnar J. og Rúnar Páll hlupu styttri vegalengd, sem einnig var boðið upp á, 13,7 km, og komust allir í mark. Þrír efstu í karlaflokki: Suren slóst í för með hlaupurunum og skrifaði ferðapistil sem hægt er að lesa hér |
Winter Marathon / Zimski Maraton 2009
Sri Chinmoy 'Self-Transcendence' 24-Hour Track Races - Auckland 22-23 Nov. 08 ... Report, Results, Photos
